RERCOR: Portal de recursos sobre enfermedades raras

RERCOR (Recursos sobre enfermidades raras) é un portal de recursos lingüísticos multilingües do ámbito biomédico sobre un amplo grupo de enfermidades que buscan maior visibilidade e prioridade nas políticas de saúde pública: as enfermidades raras (ER), tamén denominadas enfermidades minoritarias ou orfas.

RERCOR ten como obxectivo proporcionar ferramentas multilingües que permitan coñecer mellor os usos lingüísticos propios deste subdominio médico, especialmente a súa terminoloxía e colocacións. O gran número de ER (máis de 6000) e as súas diversas consecuencias fan que neste ámbito conflúan numerosas especialidades médicas (neuroloxía, rehabilitación, traumatoloxía, cirurxía, cardioloxía, pneumoloxía, anestesia, oftalmoloxía...) xunto a moitas outras áreas relacionadas co ámbito da saúde no seu sentido máis amplo (psicoloxía, hixiene, dietética, accesibilidade, calidade de vida dos enfermos...).

Esta multidisciplinariedade confírelles aos recursos elaborados utilidade para a tradución, revisión, redacción e análise de textos de todo o ámbito biomédico e outros afíns. O portal diríxese a tradutores, intérpretes e redactores científicos, profesionais ou en formación, así como a investigadores e docentes destas áreas.

RERCOR está composto polas seguintes aplicacións:

Aplicación de consulta de corpus: proporciona liñas de concordancia, así como información morfosintáctica, colocacional e contextual. Posibilita a recuperación selectiva de datos mediante a aplicación de diversos filtros extralingüísticos (data de publicación, xénero textual e grao de especialización). Os corpus que se inclúen, que poden consultarse tanto de forma conxunta como individual, son os seguintes: MYOCOR 2.0 (Corpus de enfermidades neuromusculares), EMCOR (Corpus de enfermidades metabólicas), ERCOR (Corpus de guías de práctica clínica sobre ER), ORPHACOR (Corpus de medicamentos orfos), PRODAPCOR (Corpus de produtos de apoio) e TERAPCOR (Corpus de terapia ocupacional). Trátase de corpus comparables e paralelos en francés, inglés e español con textos publicados entre 1993 e 2021.
Aplicación de consulta de vocabularios: permite acceder de forma unificada a un conxunto de glosarios e vocabularios (en francés, inglés e español) sobre enfermidades neuromusculares, erros innatos do metabolismo e produtos de apoio.

O portal ofrece ademais un prototipo de asistente para a redacción de textos sobre ER.

Para facilitar as consultas elaboráronse varios titoriais en vídeo que figuran na pestana Información.

Como citar RERCOR?

Sánchez Trigo, Elena e Varela Vila, Tamara (dirs.): RERCOR: Recursos sobre enfermedades raras (versión 3.1.2). Universidade de Vigo http://www.rercor.org [Consultado: ]

ISSN: 2659-9058

Cookies técnicas		Para que o noso sitio web poida funcionar. Activadas por defecto.
As cookies técnicas son estritamente necesarias para que o noso sitio web funcione e poida navegar polo mesmo. Este tipo de cookies son os que, por exemplo, nos permiten identificalo, darlle acceso a determinadas partes restrinxidas do sitio web se fose necesario, ou recordar diferentes opcións ou servizos xa seleccionados por vostede, como as súas preferencias de privacidade. Por iso, están activadas por defecto, e non é necesaria a súa autorización ao respecto. A través da configuración do seu navegador, pode bloquear ou alertar da presenza deste tipo de cookies, se bien este bloqueo afectará ao correcto funcionamento das distintas funcionalidades do noso sitio web.
Cookies de análise		Para que poidamos saber como está sendo utilizada a nosa web. Pode activalas ou desactivalas.
As cookies de análise permítennos estudar a navegación dos usuarios do noso sitio web en xeral (por exemplo, que seccións da web son as máis visitadas, que servizos se empregan máis e se funcionan correctamente, etc.). A partir da información estadística sobre a navegación no noso sitio web, podemos mellorar tanto o propio funcionamento do sitio coma os distintos servizos que ofrece. Por tanto, estas cookies non teñen unha finalidade publicitaria, senón que unicamente serven para que a nosa web funcione mellor, adaptándose aos nosos usuarios en xeral. Activándoas contribuirá a esta mellora continua. *Pode activar ou desactivar estas cookies* premendo no interruptor correspondente**.